निधिको राजिनामा संगै आरजुलाई गृहमन्त्री बनाउन कांग्रेसभित्र चलखेल
उपप्रधान तथा गृहमन्त्री विमलेन्द्र निधिले पदबाट राजीनामा दिएसँगै कांग्रेसभित्र नयाँ गृहमन्त्रीको खोजी भइरहेको बेला सभापति शेरबहादुर देउवा पत्नी एवं सांसद आरजु राणाको नाम चर्चामा छ ।
काँग्रेस नेताका अनुसार पत्नी आरजुलाई गृहमन्त्री बनाउन सभापति देउवा तयार भएका छन् । आरजुको पक्षमा कांग्रेसभित्र अनौपचारिक छलफल सुरु भए संगै पार्टीभित्र समर्थन र विरोधमा मत विभाजित हुन थालेका छन् ।
उसो त यसअघि गृहमन्त्री निधि भएपनि सबै काम आरजुले नै गर्थिन् । यस्तो बेला केही महिला सांसद र देउवा पक्षीय केन्द्रीय सदस्यहरुले आरजुलाई गृहमन्त्री बनाउन पार्टीभित्र अनौपचारिक छलफल चलाएपछि देउवा सकारात्मक देखिएका हुन् ।
उनले आफ्ना निकटस्थहरुसँग आफ्नो सकेसम्मको पावर लगाएर आरजुलाई गृहमन्त्री बनाइछाड्ने बताउने गरेका छन् । आरजुले पनि आफू सक्षम नेतृ हो भन्दै लबिङ थालेकी छन् ।
यस्तै, पूर्व गृहमन्त्री कृष्ण सिटौलाको नाम पनि आरजुसंगै चर्चामा छ ।
0 comments
Write Down Your Responses