माओवादी केन्द्रका कार्यकर्ताहरुद्वारा एमालेका कार्यकर्ताहरुमाथि आक्रमण– एकको मृत्यु, एकजना गम्भिर घाइते
माओवादी केन्द्रका कार्यकर्ताको आक्रमणबाट एमाले कार्यकर्ता गौरीशंकर गाउँपालिका–१, जुगुका अन्दाजी ३३ वर्षका राजेश भनिने कुल बहादर तामाङको ज्यान गएको प्रहरीेले जनाएको छ । आक्रमणबाट अर्का एकजना घाइते भएका छन् ।
तामाङका बुबा स्थानीय तह चुनावमा खुल्लाबाट वडा सदस्यको पदमा उम्मेद्वार छन् । आक्रमणमा परी झडपमा जुगु निलकण्ठेश्वर माविका शिक्षक समेत रहेका गौंरीशंकर गाउँपालिका–२ का दिल बहादुर बुढाथोकी घाइते भएका छन् । घाइते बुढाथोकीको अवस्था गम्भिर रहको र थप उपचारकालागि काठमाडौं रेफर गरिएको प्रहरीले जनाएको छ ।
मंगलबार राती एमाले कार्यकर्ता बास बसेको ठाउँमा माओवादीका कार्यकर्ताले आक्रमण गरेका स्थानीय बासीले जनाएका छन् । प्रहरीले भने घटना कसरी भयो भन्नेबारे अनुसन्धान भैरहेको जनाएको छ । झडपमा एमाले कार्यकर्ताले प्रयोग गरेको तीनवटा मोटरसाइकल र तीनवटा बोलेरो जीपमा आगोसमेत लगाएको छ ।
0 comments
Write Down Your Responses