सुडान घोटला काण्ड/प्रहरी प्रमुखहरु जेलमा–सिटौलालाई उन्मुक्ति
नेपाली काँग्रेसका नेता तथा तत्कालिन गृहमन्त्रि कृष्णप्रसाद सिटौलाको निर्देशनमा सुडानको डाफरमा शान्ति सेनामा खटिएका प्रहरीका लागि एपिसि खरिद गर्दा भ्रष्टचार भएको भन्दै सर्वोच्च अदालतले दोषी किटान गरेको हो । अदालतले पूर्व प्रहरी प्रमुख राणालाई २ वर्ष कैद र ५० हजार जरिवाना तोकेको थियो अर्का आइजिपि गुरुङलाई एक वर्ष कैद र ४० हजार जरिवाना तोकेको थियो भने पूर्व एआइजि थाङदेन लाई एक वर्ष कैद र ४० हजार जरिवाना तोकेको थियो, डिआइजी श्रेष्ठलाई ६ महिना कैद र ३० हजार जरिवाना तोकेको थियो । अदालतले दोषी किटान गरेपनि लुकिछिपि रहँदै आएका उनीहरुले २ महिना पछि आत्मसमर्पण गरेका हुन् ।
विशेष अदालतको सफाइ दिने निर्णय उल्टाउँदै निवर्तमान प्रधानन्यायधिस शुशिला कार्कीको इजलासले दोषी किटान गरी फरारको सूचिमा राखेको थियो । सर्वोच्च अदालतको फैसला कार्यान्वयन इकाइले आजै डिल्लीबजार स्थित सदरखोर जेलमा पठाएको जानकारी दिएको छ ।
सँगै दोषी किटान भएका अर्का आइजिपि रमेशचन्द्र ठकुरी र डिआइजि रविप्रताप राणा अझै फरार रहेका छन् । वैधानिक रुपले राजनीतिक निर्णय गरेर एपिसि खरिद गर्न अनुमति दिएका तत्कालिन गृहमन्त्रि कृष्णप्रसाद सिटौलालाई भने उन्मुक्ति दिने काम भएको छ ।
0 comments
Write Down Your Responses